Riportiamo integralmente (a parte una piccola censurina) il tema (in bisiaco) del mio amico Luca, che fa le previsioni sul futuro del nostro gruppo di amici.
Alora, tuti sa che in un grupo ghe ga de esser un falì: ta-ta, ecome qua! Ma vedemo cossa farà quei altri:
El riverà a meno due esami per la laurea, el molerà l'Università[1] e so mare creperà de crepacuor. El sposerà la Martina, riconoscendo i tre gemei bastardi (de cui un 'ndicappà e un frocio) gavui da Di Capua, e 'l diventerà famoso quando se trasferirà a Cape Canaveral, alla NASA, per far de cavia ale pirule de carbonara de dar ai piloti spasiali. El resterà seco per lo sforso, sentà in tal water, poco dopo la cinquantina. Come se disi in sti casi, "che culo".
Filosofo, pensatore, archeologo del Karma. Un vero giegnio nel fadigar il meno posibile, el farà de questa "virtù" un lavoro scrivendo un'intera colana de libri, ma el guadagnerà sai poco, cussì el sfruterà i genitori, che ghe tocherà lavorar fin a 86 ani. El sposerà una bela baba che però dopo el matrimonio la se ingraserà tantonononon; ma comunque i 'ndarà de amor e dacordo, anche ela infati la seguirà sempre la teoria del marì e la sfruterà i genitori (de lui).
A l'età de 48 ani el scomparirà dela sua baita in montagna. Gira tante vosi: chi lo vol suicidà perchè nol ghe tirava più, chi lo vol rapì dagli alieni, chi lo vol 'ssassinà e magnà dala Serena (che intanto la xè rivada ai 180 chili e la xè diventada pur canibale), chi disi che ghe xe vignù in visita de piaser l'arcangelo Gabriele che ghe dise de tornar a lavorar in pompa all'Agip e lui lo manda in tal porco, cussì Dio i lo punise e no ghe lo fa tirar più, cussì lui el se copa...
In realtà el vinserà un migliardo ala loteria e 'l farà finta de eser morto, cussì la moie no i lo scoprirà e lui el scamperà nela carateristica Isola del Guano (in meso el Pacifico, una vera perla dela natura) coi skei e co la fia diciotene dela cugina de Ciccio (anca ela diventada grasa e bruta). El morirà a 70 ani perchè no ghe tira più. No finirà mai ragioneria[2].
A 24 ani el molerà l'Isabella e 'l se meterà cola *****, che el sposerà a 28 ani. El finirà l'Università giusto e ben. El gaverà do fioi, un mascio e una femena, uguali de lui in tuto e per tuto, ma capì cossa digo, proprio IDENTICI. La ***** ghe farà, dopo 12 ani de matrimonio, i corni con un per un mese, ma xe solo un momento de crisi, lori i se ama veramente: comunque Nicola xe mona e no se corgerà mai de questo. Dio cai.
Dopo do giorni dela laurea i lo ciamerà per lavorar come impiegato: un bon lavoro, 2.550.000 mensili, bele ferie, el resterà a lavorar qua per tuta la vita. El gaverà sempre machine stescion vegon, per portar la famigliola a far scampagnade la domenica; nol scolterà mai musica complicada. MAI. El morirà a 81 ani per infarto mentre el pogava al concerto de reunion dei Xtrim[3]. Aghiaciante.
A 33 ani, dopo una bona cariera CEPUniversitaria, el gaverà la folgorasion (tuti quei ani pasai a scoltar musica satanica i ga pur servì a qualcossa): el comincirà a parlar coi morti, e in particolar modo con so mama (anche se no la xe morta), che i lo consiglierà su come ministrar el patrimonio de famea: lui ghe fa domanda, i spiriti ghe rispondi con "Guido, tira via questa musica orenda" (che sta per sì) o "No, Guido no, ogggi no!". El cambierà look. Dai 34 ani el se vestirà un misto tra un viado e il conte Uguccione, ma el monterà sempre le scarpe Lotto.
El se sposerà cola Carlota, cola quale el gaverà solo un bel raporto spirituale, e 'l ghe sarà sempre fedele; in pratica nol guerà mai. Gnanca cole putane.
Nol guiderà più, finalmente el se ga deciso a comprar l'autista.
A 45 ani i aglieni i lo rapirà per un mese per insegnarghe a guidar la navicela: el starà via per la via latea. In quel tempo el se divertirà a tirar pasticini e pizete sò del'astronave e a far imparar a bestemar ai marsiani, che i lo riporterà a casa perchè gaverà disfà tre navete agliene per parchegiarle nel spassio. El morirà a 103 ani perchè i lo deciderà lui. Non se toierà mai el vissio de metterse robe in tal cul. Gnanca dopo morto.
A 27 ani el verserà un putanaio, un privé, un strip bar e un altro putanaio. El gaverà tute le babe più bone del mondo, tanto che i lo farà diventar ginecologo ad honorem anche sensa gaver studià ala università.
Nela so vita rientrerà la baba de Bologna, che ghe magnerà tuto, lo farà falir, ghe porterà via anche le mudande e la scamperà col camerier messican de nome Paco Antonio Julio Armando Marcus Klaus Astacos.
Dopo un atimo de smarimento el 'ndarà a Los Angeles e 'l diventerà el novo Humphrey Bogart; el farà quatro film, el tornerà a esser miliardario, ma tornerà anche quela de Bologna, pentida... il resto lo maginè già.
Dopo un altro atimo de smarimento el verserà un mega centro comercial per campegiatori, che risquoterà un certo suceso, anche per le comesse in toplesss.
Costruì un impero, a 59 ani el ritrova l'amor con una bela ventenne, che dopo el matrimonio se scoprirà esser la fia de quela de Bologna. Ta-ta-ta-ta. Ma no la ghe magnerà tuto, quasi.
Pensionato, morirà a 79 ani per sbaio: pensave de gaver ciolto del tabacaio "Famiglia Cristiana", invece iera un libro su cossa servi il freno motore tala machina. Dopo la sua morte se conterà 133 fioi illegitimi, 9564 raporti sessuali, 3 ernie al casso e due operasioni per moroidi.
Ah, bona parte dei fioi illegitimi vegnerà riconosudi dai fioi e nipoti de Ciccio.
Molada de Nicola, nissun la volerà più. Diventerà grasa e sensa voia de lavorar. Ma no, questo iera anca prima.
La lavorerà tal spissio dei veci, in pratica soldi sensa fadigar; ma no la starà ta un spissio normale, ma tal “Blue Oyster Spiss”, lo spissio dove xe ricoveradi tuti i 236 componenti e ex componenti dei Blue Oyster Cult. Una band fiatada. Come el cul de Ricardo.
Gnanca ela no imparerà mai a guidar, ma diventerà ricca e famosa dopo gaver vinto el campionato mondial de Destruction Derby de tratori. "Attualmente" le mie previsioni disi che la rivada a 157 ani e la xe ancora viva.
Per tuta la sua vita la “Lagrange”[4], la se sposerà con un bidel dark, gaverà do fioi, un dark e una “lagrange”, un discreto lavor e poca voia de viver. La me presterà la so pistola per coparme, e questa sarà l'ultima roba che la farà felice. Morirà a 61 ani per implosione. No ghe creserà mai le tete.
I scamperà in Giamaica con il loro Magiolone (quel del film), i costruirà una tenda e i viverà stacadi dala malsana e inetta società moderna. Vita a contatto con la natura, la loro: i magnerà bacche e beverà latte de cocco, i scriverà poesie e i dipingerà quadri tuto il giorno; i scoverà un casin anche se no i gaverà mai fioi perchè Renato xe sterile. Grazie, Dio.
Il loro esempio risveierà il movimento sessantiano (tanto scovar, poca voia de lavorar) che vegnerà per fortuna sedà dall'esercito de Marcatto, nel fratempo diventà sovrano della terra. I se coperà per riunirse ai spiriti de Bob Marlea e del Che. Forse iera meio che li copavo mi prima de coparme.
Disoccupà, stempià, barbon, gobo, sordo, orbo, sensa amici, sensa casa, sensa una lira, doverò vender tuti i dischi; i meno complicadi i me li ciolerà Nicola. Me coperò a 27 ani con un colpo de pistola tal cul, dopo che Marcatto sarà diventà el "Napoleone" del Mondo e Paolo il cantante più famoso del mondo. Certo, so, son squalido, ma ghe se sempre un falì ta ogni grupo... "poteva capitare a me, poteva capitare a te, è capitato a me". La sfiga è la mia co-pilota.
THE END
Note: